संपवीला देह जरी, संपणार नाही मती...
धर्माच्या गारद्यांनो, कशी रोखणार गती...?
आठवा तुकोबाची गाथा तुम्ही बुडविली
तुका मारुनिया त्याची खबर दडविली....
त्या तुकाच्या अभंगाची आज तुम्हा वाटे भीती
धर्माच्या गारद्यांनो, कशी रोखणार गती...?
आठवा चार्वाकाला तुम्ही भस्म केले होते
नाव इतिहासातूनी लुप्त केले होते
त्याच चार्वाकाचे तुम्हा वारस आज दावु किती?
धर्माच्या गारद्यांनो, कशी रोखणार गती...?
भिकूंच्या शिराला दिल्या मोहरा शंभर
कसा रक्ताने भिजविला अहिंसेचा तो संगर...
गळे चिरूनी धम्माचे संपली का सांगा नीती...?
धर्माच्या गारद्यांनो, कशी रोखणार गती...?
सत्यासाठी सॉक्रेटिस विष प्याला होता
कोपर्निकसवरती पोप चा रोष आला होता
मार्टिन ल्युथर धर्मद्रोही ठरला होता
सत्यासाठी ग्यालिलिओ तुरुंगात सडला होता...
बघा उजेडाची फुले धडका मरणाला देती...
धर्माच्या गारद्यांनो, कशी रोखणार गती...?
सत्य चिरडूनि इथे धर्म वाढलाय
फुल्यांसाठी मारेकरी त्यांनी धाडलाय...
गांधीजींचा धर्मांधांनी खून पाडलाय
गोळ्या झेलूनिया पाश निपचित पडलाय...
न्यायासाठी भोतमांगे रोज रडलाय...
रक्ताच्या थारोल्यात सफदर पडलाय...
त्याच सत्यासाठी आज दाभोळकारांची आहुती...
धर्माच्या गारद्यांनो, कशी रोखणार गती...?
तुम्ही उजेडाची फूल खुडली किती सांगा...?
धर्म क्रौर्याचा हिशेब आज मांडा...
तुमच्या अंधाराने आमच्या उजेडाशी भांडा
अज्ञानाचा होईल अंत असत्याची होईल माती...
धर्माच्या गारद्यांनो, कशी रोखणार गती...?
शाहिर सचिन माळी
(मुंबईच्या ऑर्थर रोड तुरुंगात लिहिलेलं गीत)
धर्माच्या गारद्यांनो, कशी रोखणार गती...?
आठवा तुकोबाची गाथा तुम्ही बुडविली
तुका मारुनिया त्याची खबर दडविली....
त्या तुकाच्या अभंगाची आज तुम्हा वाटे भीती
धर्माच्या गारद्यांनो, कशी रोखणार गती...?
आठवा चार्वाकाला तुम्ही भस्म केले होते
नाव इतिहासातूनी लुप्त केले होते
त्याच चार्वाकाचे तुम्हा वारस आज दावु किती?
धर्माच्या गारद्यांनो, कशी रोखणार गती...?
भिकूंच्या शिराला दिल्या मोहरा शंभर
कसा रक्ताने भिजविला अहिंसेचा तो संगर...
गळे चिरूनी धम्माचे संपली का सांगा नीती...?
धर्माच्या गारद्यांनो, कशी रोखणार गती...?
सत्यासाठी सॉक्रेटिस विष प्याला होता
कोपर्निकसवरती पोप चा रोष आला होता
मार्टिन ल्युथर धर्मद्रोही ठरला होता
सत्यासाठी ग्यालिलिओ तुरुंगात सडला होता...
बघा उजेडाची फुले धडका मरणाला देती...
धर्माच्या गारद्यांनो, कशी रोखणार गती...?
सत्य चिरडूनि इथे धर्म वाढलाय
फुल्यांसाठी मारेकरी त्यांनी धाडलाय...
गांधीजींचा धर्मांधांनी खून पाडलाय
गोळ्या झेलूनिया पाश निपचित पडलाय...
न्यायासाठी भोतमांगे रोज रडलाय...
रक्ताच्या थारोल्यात सफदर पडलाय...
त्याच सत्यासाठी आज दाभोळकारांची आहुती...
धर्माच्या गारद्यांनो, कशी रोखणार गती...?
तुम्ही उजेडाची फूल खुडली किती सांगा...?
धर्म क्रौर्याचा हिशेब आज मांडा...
तुमच्या अंधाराने आमच्या उजेडाशी भांडा
अज्ञानाचा होईल अंत असत्याची होईल माती...
धर्माच्या गारद्यांनो, कशी रोखणार गती...?
शाहिर सचिन माळी
(मुंबईच्या ऑर्थर रोड तुरुंगात लिहिलेलं गीत)
Comments
Post a Comment